رسالة الاجيال
(قصيدة من الشعر الشعبي الجزائري )
ً...........
نسافر بعيد بفكري و تخمامي
نصارع فالزمان كاني بحار
نعمل و نثابر باه نبني داري
العمل شرف اصلا راه معيار
يا سعد الراجل خدام و قاري
هكا لسان الحساد ديما شفار
انخمم بعيد ما نأذي جاري
الزمان يعذب العبد الغدار
نعامل مليح و نمد افكاري
لا نخشى اني نرفد لقرار
نتبع فالصفات لبابا و جدي
و نحاول اني نخلي الآثار
و هذي الوصية نخليها لولدي
باه يكمل عليها ا لمشوار
و على مساري يحاول يمشي
بتوفيق الاله العظيم الستار
بقلم / عامر عمر /
ليست هناك تعليقات:
إرسال تعليق