ما أحلي زمان ولياللي زمان
كُنا عيال والعقل صغير
ولسه القلب ماكنش اسود
كُنا بنجري وكُنا بنلعب
كُنا بنغلط وبنتمد
وكُنا نقول أهي علقة
تفوت ولا حد يموت
كُنا عيال لكن جبروت
عُمر الواد ما كان فرفور
ولا فيه بنت يا خلق كيوت
عُمر اللبس ما كان ع الموضة
وكله فيزون عُمر لُقانا ما كان
ع النت مقاطع فيديو
عُمر كلامنا ما كان
فيس بوك ولا تليفون
عُمر الغيبة عن أقاربنا
ما كانت توصل للإسبوع
كان يوم للعمه ويوم للخاله
ويوم للجده ويوم في الوسط
يا ناس بيضيع كُنا تملي
نود في بعض كُنا نخاف
علي بعض بجد عُمر الكُره
ما كان في قلوبنا بسبب المال
عُمر ما حد عض في حد
كُنا تملي نشاور بعض
عُمر الرأي ما كان للأقوي
تملي الرأي يكون للأغلب
بيكون للكثره كان فيه حُبّ
يا ناس مش أكتر كُنا عيال
بنعاند بعض ده أنا شاطر
وده أنا الأشطر كُنا يوماتي
نجمع بعض ونقعد نلعب
كُنا يوماتي نجمع بعض
نقول حواديت كُنا بنتنتط
تنتيط كُنا ينحكي حكاوي
عيال كان اللي يقول
شوفت النداهه (الجنيه)
واللي يقول شوفت العفريت
كُنا عياااااال مش كتاكيت
ما أحلي زمان ولياللي زمان
(((..مصطفي دسوقي..)))
♥
